中文啦

恋上儿子学校的老师（07-08）完（第1页）

第七章

我揽番住 ele， 四唇又再一次紧贴住起黎， 手正慢慢伸到佢面额之处， 跟住随后就再向下滑落住， 已经轻抚住佢个柔软左胸， 而 ele 亦正好肉紧咁双手箍住我颈后继续地同我热吻住， 跟住我地就有默契地继续边揽边摸黑移到佢房间之内。

终于， 我同 ele 就响黑暗环境之中发生左肉体关係。

完事之后， 我地摸黑再着番哂啲衫， 跟住直到深夜大厦有番电之后， 我同 ele 终于都可以搭 lift 落楼离开佢新居之处， 但呢一种单凭感觉而完成美事， 令我同 ele 就彷似发左一场梦咁有啲疑幻疑真感觉。

呢晚过后几日之后， 唔知点解我发觉 ele 突然好似同我多左重隔膜咁， 而家我每次打电话比佢时候， 佢都好似不断百般砌词咁好快就要同我收线。

而到我番去学校开家长会期间， ele 就只会刻意离我远远又或者独坐响一旁静静不时瞄住我咁， 我不断问住自己， 到底会唔会係果晚佢觉得同一个学生家长做左一啲过份事， 而令佢开始觉得后悔同产生左尴尬感觉咁呢?

但我亦好冷静地细心想过， 其实我对呢位女老师态度绝对係认真， 所以今日我决定要同 ele 佢讲过明白， 兼且我亦想知道到底点解佢会突然对我好似刻意疏远咁。

开完家长会之后， 我行埋 ele 身边度嗌佢， 「ele…」 ele 正双眼无神拨左一下秀髮咁同我讲， 「吴生， 不如….你响学校都係叫番我做陈老师会比较好啲!」

「哦…， 陈…老师， 我想问…其实我同妳…」 ele 有啲顾左盼右咁讲， 「吴生， 我地响学校不如唔好再倾谈呢啲事吖， 又或者， 我地就将果晚发生事忘记左佢就算嘞， 好唔好呀?」

我有啲唔服气， 「陈老师， 我想知道究竟会係啲咩原因!」 ele 同我讲， 「其实係唔关你事， 呢啲都只係我问题咁啫!」 我再问住佢， 「ele……」 但 ele 好快就再同我讲， 「吴生我有啲事要走先嘞!」 ele 讲完， 跟住见佢就响我身边拂袖而去。

我呆左响度， 而我就正不断猜测 ele 个心入面到底係谂紧啲咩咁?

几日之后， 学校有几日假期， 我妈妈带左志仔番乡下度探亲兼同佢响上面玩番几日， 难得有几日可以独处， 我本应该觉得轻鬆同愉快至啱， 但事实刚好相反， 我而家每一刻都係咁不断惦挂住 ele， 我谂紧点解佢而家突然好似当左我係陌路人咁看待。

下昼时份， 我带完个客去旺角睇完楼之后， 客人同我握住手黎讲， 「吴生， 麻烦哂你， 迟啲我想约埋啲家人再上去呢个单位度睇多一次!」 同客人挥手道别过之后， 我正想行去取车驾车番公司时候， 咦， 前面商业大厦门口好似有啲事发生咁。

我见有个女仔正坐左响大厦门口比几个男女包围住， 有啲师奶好似又取住啲药油比个女仔搽住咁， 但我再望真啲， 果个正面青口唇白女仔咪就好似係……ele 黎。